Agihis

Agihis

Pakinhason ka sapa kag suba
Sa tubig nga tab-ang makita
Isalom ya alima dayon hurikapa
Sulog ka tubig sa idalom ga paamulya

Agihis nga puti imo pudyuton
Isulod sa kabu kag imo ipadayon
Sikup diya sikop rugto asta ikaw kapuyon
Pag uli sa balay imo lapwahan dayon

Asinan it gamay hasta nga madaha
Imo lantawon kun di-a naga buka
Mananam nga agihis ya sulod kuhita
Tirawi ya sabaw hay basi may baras pa

Kuron sa tunga sa binit ya pinggan
Agihis nga marimis sa imo sinamoan
Hakop it kapog kag dayon higpan
It mainit nga sabaw ka agihis nga niluy-ahan

Turogban

Turogban

(Halin sa buhok ka irok ni Elboy)

Ro anwang gaeogaeog sa eugan-eugan
Nga kon sayudon sa tinaga ka aklan
Ya karbaw naga tubog sa turogban
Agudto indi mo don pag paligaban

Halin sa garaidan maadto sa taramnan
Aga pa si Tatay Kuroy banglid adtonan
Sakay sa karbaw nga kapon kag isganan
Arado sa kampo waay gid ti reklamohan

Init kon udto karbaw pahuwayan
Ilawaig sa bakante hilamon nga paharban
Tapos panginaon imo don buy-an
Karbaw nagahana nga ma tubog sa turogban

Ligid-ligid hilig ni kapon sa lutakan
Agudto mag ramig anang kalawasan
Sag-ahi it tubig kag parigusan
Kabaskog ni kapon nagabalik bangod ka turogban